Միավորելով հեռարձակողներին եվ հզորացնելով մեդիա շուկան
Տեսալսողական մեդիայի ինդուստրիալ կոմիտեն ինքնակարգավորվող մասնագիտական հարթակ է, որը միավորում է Հայաստանի առաջատար հեռուստաալիքներին, մեդիա հարթակներին և գովազդային գործակալություններին: Մենք խթանում ենք թափանցիկությունը, կայուն ինդւոստրիալ զարգացումը և լսարանի անկախ չափումը՝ մեդիա էկոհամակարգում վստահությունն ու հավասարակշռությունը ամրապնդելու համար:
Մենք ստեղծում ենք հավասարակշռություն, թափանցիկություն եվ համագործակցություն մեդիայում։
Տեսալսողական մեդիայի ինդուստրիալ կոմիտեն (ՏՄԻԿ) կամավոր անդամության վրա հիմնված ինքնակարգավորվող ոչ առևտրային կազմակերպություն (ԻԿԿ) է,որը ստեղծվել է 2024 թվականին՝ միավորելու Հայաստանի հեռուստաալիքները, մեդիա հարթակները, գովազդային գործակալությունները և ոլորտի այլ գործընկերներ: Կոմիտեն ծառայում է որպես համագործակցային կարգավորող հարթակ՝ խթանելով կայուն զարգացումը, թափանցիկությունը և մեդիա ոլորտում միջազգային չափանիշներին հետևելը։ Մեր շարժիչ ուժը հուսալի և անկախ լսարանի չափման համակարգի ստեղծումն է, շուկայի հավասարակշռության ամրապնդումը և ոլորտի բոլոր շահագրգիռ կողմերի մասնակցության ապահովումը։
